Poslovne vesti - Makedonija

Македонски компании и земјоделци на "Агротика 2012"

Претставници на македонските водечки компании за преработка на зеленчук и преку 70 земјоделци вчера го посетија саемот за машини и опрема во агрокултурата Агротика 20122 што се одржува од 1до 5 февруари во Солун.

Производителите и преработувачите имаат можност да се запознаат со најновите трендови и технологии во агрокултурата, да ги видат најновите машини и опрема во сите сегменти од производството и обработката на зеленчукот.

Посетата на Агротика 20122, најголемиот саем од ваков тип во ЈИЕ, треба да поттикне интензивирање на заедничкото планирање и носење одлуки од сите засегнати страни со цел усвојување напредни агрокултурни техники и технологии. Тоа ќе овозможи поголема продуктивност и стандардизација на производите, оптимизирање на произведените количини и поголема добивка.

На Агросаемот во Солун ќе бидат и професори од Факултетот за земјоделски науки и храна, како и претставници од Агенцијата за поттикнување на развојот на земјоделството на Република Македонија. Присуството го овозможија Македонската консултантска групација и Федерацијата на фармери на Македонија со поддршка на Програмата АгБиз на УСАИД.